La poetessa è definita da Accademie e Associazioni “ambasciatrice della poesia nel mondo”.
Poesia dedicata alla mamma Carmela Naddeo donna dolce e grande esempio di donna, moglie e mamma. Ci teneva nel dire che la figlia era nata con la penna in mano.
Moglie del Comm. e Maggiore Raffaele Piccolo.
Ecco la poesia dedicata è scritta dalla poetessa;
Quann’ero piccerella
si cadevo o me facevo male,
io currevo addo mamma’
“‘A bbua..’a bbua..”
le dicevo tremmanno
e essa cu nu vaso e na carezza
mo’ faceva passa’…
Mammà mo’ nun ce staie cchiu’
e nun me puo’ cunsulà,
sapisse quanti vvote
cado o me fanno male,
ma ‘e llacreme nun me
puo’ asciuttà….”‘A bbua”
io te turnasse a dicere
e tu sapisse comme fà
pe’ me sanà….
Mo’ nun ce sta’ nisciuno
ca me cura ‘e ferite
‘e chesta vita….
‘e figlie teneno ‘a famiglia
e nun ‘e voglio preoccupà,
ll’amice teneno sempe a fà
e sulo pe’ na festa
‘e puo’ chiamma’…
Mo’ quanno è notte
dint”e llenzole
m’annasconno ‘a faccia’
e comm”a na nennella
te chiammo cu ‘o penziero
” ‘A bbua…’a bbua…”
ma ‘o chianto sulo
me fa cumpagnia,
bella e carnale,doce
mamma mia…..
TINA PICCOLO ( AMBASCIATRICE DELLA POESIA NEL MONDO)
